გამღები

"-მამა, დედა, - ფრთხილად დაიწყო ჯონასმა ვახშმის შემდეგ, - რაღაც მინდა გკითხოთ.

 -რაო, ჯონას? -ჰკითხა მამამ.

   შეცბუნებისაგან სახეალეწილი სიტყვების წარმოსათქმელად მოემზადა. მთელ გზაზე ფლიგელიდან შინისაკენ ამ სიტყვებს იმეორებდა, მაგრამ ახლა მაინც ძლივს ამოთქვა:

 - მე გიყვარვართ?

ერთხანს უხერხული სიჩუმე ჩამოწვა. მერე მამამ ჩაიცინა:

 - ამას შენ ამბობ, ჯონას? გეთაყვა, გთხოვ, სიტყვა ზუსტად შეარჩიე!

 - რას გულისხმობ?- ჰკითხა ჯონასმა, რომელიც ასეთ პასუხს არ ელოდა.

 - მამაშენი გულისხმობს, რომ შენ გამოიყენე ძალზე განზოგადებული სიტყვა, მეტისმეტად უაზრო, თითქმის უკვე არქაული,- დელიკატურად აუხსნა დედამ.

   ჯონასი მშობლებს მიაშტერდა: უაზრო? აქამდე ამ ხსოვნასავით აზრიანი არასოდეს არაფერი უგრძნია.

 - და, რა თქმა უნდა, ჩვენი საზოგადოება ვერ იარსებებს, როგორც საჭიროა, თუ ადამიანები მართებულად არ იმეტყველებენ. შეგეძლო გეკითხა: "შემხარით?" პასუხია "დიახ",- თქვა დედამ.

 - ან: "გეამაყებათ თუ არა ჩემი მიღწევები?" და ჩვენ გულწრფელად გიპასუხებდით: "დიახ",- დაუმატა მამამ.

 - ახლა გესმის, რატომ არის შეუფერებელი სიტყვა "სიყვარულის" გამოყენება?- ჰკითხა დედამ.

ჯონასმა თავი დაუქნია და დინჯად უპასუხა:

 -კი, მესმის, გმადლობ.

ეს იყო მშობლებისთვის ნათქვამი პირველი ტყუილი."-ლუის ლოური